XUAN BELLO
Fue reconocido con el premio Ramón Gómez de la Serna y el Premio Nacional de Literatura Asturiana
VARIACIONES NEL MIO NOME
Tu,
que podies ser Joao Velho
na claridá azul de Sintra.
Allá alantre, distante y amigu,
presientes al to señor El-Rei,
Don Sebastián.
Tu,
qu andes una tierra remota
y llámeste Jean Vieilh.
Remembres aquellos díes
tan tristes de l’Auvernia
mentes escuches la primer vez
—inmensa y rara—
la voz del dios del ríu:
Mississipi.
Tu,
John Oldman,
bucaneru en Tortuga:
el mesmu Henry Morgan
ha disparar per ti.
Tu,
que dibes ser Juan el Viejo
allá nes tierres de Soria:
llabren afuera los bueis
la seronda del Faidor.
Y tu,
qué estraño,
llámate Xuan Bello
y tar equí, n’Uviéu,
pasando visiones escures
al asturianu claro.
Saber que to patria
siempre queda aende:
ellí onde tu nun tas.
